பிரதேச செயலகம் - அம்பன்பொல

வடமேல் மாகாணத்தில் குருணாகல் மாவட்டத்தின் யாபஹுவ தேர்தல் பிரிவில் அம்பன்பொல பிரதேச செயலகம் நிறுவப்பட்டுள்ளது. வடக்கில் கல்கமுவ பிரதேச செயலாளர் பிரிவு, தெற்கே மஹவ பிரதேச செயலாளர் பிரிவு, கிழக்கே எஹெட்டுவெவ பிரதேச செயலாளர் பிரிவு மற்றும் மேற்கில் கொட்டவெஹர பிரதேச செயலாளர் பிரிவு ஆகியவை அமைந்துள்ளன. இதன் நிலப்பரப்பானது 136.93 சதுர கிலோமீற்றர் ஆகும். இந்த பிரதேச செயலாளர் பிரிவானது கந்திஹ கோரலயின் 28 கிராம சேவகர் பிரிவுகளை உள்ளடங்கியுள்ளது.

குருணாகலில் இருந்து அனுராதபுரம் செல்லும் ஏ தரத்தைச் சேர்ந்த பிரதான போக்குவரத்து பாதையும், அம்பன்பொல் இருந்து நிக்கவரட்டிய வரையான  வீதியும், அம்பன்பொலயிலிருந்து எஹெட்டுவெவ வரையான‌ வீதியும் அம்பன்பொல நகரத்தின் குறுக்காகச் செல்கிறதன‌. கொழும்பு கோட்டையில் இருந்து காங்கேசந்துறை வரையிலான புகையிரத பாதையும், அம்பன்பொல புகையிரத நிலையமும் இந்தப் பிரிவில் அமைந்துள்ளன. கெக்கட்டிய ஓடை அம்பன்பொல நகர் அருகிணூடாகச் சென்று இங்கினிமிட்டிய நீர்த்தேக்கத்தை அடைகின்றது. அபகொலவெவ மற்றும் மெடியாவயில் இரண்டு பெரிய நீர்த்தேக்கங்களும், பல சிறிய குளங்களும், அணைக்கட்டுகளும் இங்கு காணப்படுகின்றன. இங்கு உலர் வலயத்திற்கு உரித்தான பல்வேறு வகையான புதர் செடி வகைகள் பரவலாக‌ காணப்படுகின்றன. வடக்கு மற்றும் கிழக்கு எல்லையிலிருந்து மீ ஓயா நீர் பாய்கிறது.